- డిస్కమ్ ల మధ్య ఆస్తులు, అప్పులు, బకాయిల పంపిణీ పూర్తి
- రైతు డిస్కమ్ వాటాగా రూ.3,162 కోట్ల ఆస్తులు
- 30.62 లక్షల విద్యుత్ కనెక్షన్లు, 2 వేల మంది ఉద్యోగుల కేటాయింపు
- ఆర్పీడీసీఎల్ను మూడో డిస్కమ్గా ఏర్పాటు చేస్తూ సర్కారు ఉత్తర్వులు
హైదరాబాద్, వెలుగు: రాష్ట్రంలో మూడో విద్యుత్ పంపిణీ సంస్థగా ‘తెలంగాణ రైతు పవర్ డిస్ట్రిబ్యూషన్ కంపెనీ లిమిటెడ్(రైతు డిస్కమ్)ను ఏర్పాటు చేస్తూ సోమవారం ప్రభుత్వం ఉత్తర్వులు జారీ చేసింది. ఇప్పటికే ఉన్న రెండు డిస్కమ్లతో పాటు కొత్తగా ఏర్పడిన రైతు డిస్కమ్ మధ్య ఆస్తులు, అప్పులు విభజిస్తూ స్పెషల్ చీఫ్ సెక్రటరీ నవీన్ మిట్టల్సోమవారం జీవో నెంబర్ 17 విడుదల చేశారు. విద్యుత్ పంపిణీ సంస్థలకు రూ.62 వేల కోట్లవర్కింగ్క్యాపిటల్లోన్స్ ఉంటే అందులో రూ.46 వేల కోట్ల అప్పులను రైతు డిస్కమ్కు బదలాయించారు.
రూ. 46,155.28 కోట్ల విద్యుత్ బకాయిలూ ఆర్పీడీసీఎల్ఖాతాలో వేశారు. ఇందులో లిఫ్ట్ ఇరిగేషన్ స్కీమ్లు, మిషన్ భగరీథ, హైదరాబాద్ జలమండలి తదితర ప్రభుత్వ సంస్థల నుంచి డిస్కమ్లకు రావాల్సిన బకాయిలు ఉన్నాయి. అదే సమయంలో రైతు డిస్కమ్కు కేవలం రూ.3,162 కోట్ల ఆస్తులు మాత్రమే బదలాయించడం గమనార్హం. 30.62 లక్షల విద్యుత్ కనెక్షన్లు, 2 వేల మంది ఉద్యోగులను కేటాయించారు. విద్యుత్ చట్టం 2003లోని సెక్షన్ 131 పరిధిలో ఈ బదిలీ ప్రక్రియను చేపట్టినట్లు జీవోలో స్పష్టంచేశారు.
ఐదు రకాల విద్యుత్ కనెక్షన్లు బదిలీ
రైతు డిస్కమ్ను ఏర్పాటు చేస్తూ రాష్ట్ర ప్రభుత్వం గతేడాది డిసెంబర్ 12వ తేదీన ఉత్తర్వులు జారీ చేసింది. దీని ఆధారంగా తెలంగాణ ఎలక్ట్రిసిటీ రెగ్యులేటరీ కమిషన్ (టీజీ ఈఆర్సీ) ఈ ఏడాది జూలై 10న రైతు డిస్కమ్కు లైసెన్స్ జారీ చేసింది. ఈఆర్సీ సూచన మేరకు ప్రభుత్వం చీఫ్ సెక్రటరీ సంజయ్ జాజు అధ్యక్షతన హై లెవల్ కమిటీ ఏర్పాటు చేసి డిస్కమ్ల మధ్య ఆస్తులు, అప్పులు పంపిణీ చేశారు. కొత్తగా ఏర్పడిన రైతు డిస్కమ్కు ప్రభుత్వం ఐదు రకాల విద్యుత్ కనెక్షన్లను బదిలీ చేశారు.
ఇవన్నీ కూడా ప్రభుత్వ ఉచిత విద్యుత్ కనెక్షన్లే కావడం గమనార్హం. ఇందులో వ్యవసాయ విద్యుత్, లిఫ్ట్ ఇరిగేషన్(ఎల్ఐఎస్), హైదరాబాద్ మెట్రోపాలిటన్ వాటర్ సప్లై, మిషన్ భగీరథ కనెక్షన్లతో పాటు ఎల్టీ 6–బీ పరిధిలోని డీటీఆర్ల కింద మొత్తం 30.62 లక్షల విద్యుత్ కనెక్షన్లు ఉన్నాయి. అందులోనూ అత్యధికంగా వ్యవసాయ విద్యుత్ కనెక్షన్లే. ఈ విద్యుత్ కనెక్షన్ల కేటగిరీలకు విద్యుత్ సరఫరా, బిల్లింగ్, వినియోగదారుల సమస్యల పరిష్కార బాధ్యతలను ఇక నుంచి రైతు డిస్కమ్ చూసుకోనుంది. రైతు డిస్కమ్ పరిధిలోకి వచ్చే వినియోగదారుల అవసరాల కోసం పాత డిస్కమ్ల నుంచి విద్యుత్ కొనుగోలు ఒప్పందాలు (పీపీఏ) లను కేటాయించారు.
రూ.3,162 కోట్ల ఆస్తులు
సదరన్, నార్తర్న్ డిస్కమ్ల మధ్య ఇదివరకు ఉన్న నెట్వర్క్ ఆస్తులను ప్రభుత్వం విభజించింది. మొత్తం రూ.3,162 కోట్ల విలువ చేసే అస్తులను రైతు డిస్కమ్కు బదిలీ చేస్తూ ఉత్తర్వుల్లో పేర్కోన్నది. వీటిలో రూ. 2,123.46 కోట్ల విలువ గల 6,15,651 వ్యవసాయ ట్రాన్స్‌‌‌‌ఫార్మర్లు, రూ. 1,039 కోట్ల విలువ గల 2,51,213 సర్క్యూట్ కి. మీ పొడవైన ఎల్టీ లైన్లు ఉన్నాయి.
